Әлем чемпионатының финалы қауіпсіз болмақ

Бразилия мемлекетінің министрі Жозе Эдуарду Кардозу әлем чемпионатының финалында 26 мың сақшы қауіпсіздікті қадағалайтын болады, деп мәлімдейді  ИТАР-ТАСС. 

Ерекше назар Аргентина құрамасының жанкүйерлеріне аударылады, олардың саны 70 мыңға жуық. Копакабана мен Лапа туристік аймақтарында 5 мың сақшы қызмет етеді. Финалдық кездесуде тағы да мың жарым жекеменшік сақшы қызметкері көмектеседі. Бұндай қауіпсіздік шараларын жасауға ойын алдындағы Бразилия президенті Дилма Роусеффтің 15 ел басшыларымен кездесуі мәжбір етіп отыр.