Алексей Мулдаров жарақатынан айықты

Футболдан Қазақстан құрамасы мен «Ақтөбенің» қорғаушысы Алексей Мулдаров жарақатынан айықты, деп хабарлайды «PROСПОРТ Қазақстан».

 

- Жарақатымды емдедім, аяғым ауырмайды қазір. Алаңға шығуға дайынмын, - деп бастады Алексей. 

 

- Жуырда ғана Владимир Никитенко қызметінен кетті. Қазіргі таңда, команданы кім жаттықтырып жүр?

 

- Андрей Мирошниченко мен Алексей Косолапов.

 

- Бас бапкердің орыннан кетуі ойыншыларға әсер етті ме?

 

- Мұндай жағдайлар өмірде болып тұрады. Жылы қоштастық ол кісімен. 

 

- Жаңа бас бапкердің есімін айтқан жоқ па?

 

- Жоқ. Әлі айтқан жоқ. 

 

- Алексей, командаңыз қатарынан бірнеше ойын жеңіліске ұшырап, бас көтере алмай келеді соңғы кезде. Бұған не себеп?

 

- Негізгі құрам ойыншылары өз ұлттық құрамаларына шақырту алып кішігірім жарақаттармен оралды. Сондықтан бар өнерін көрсете алмай жүр. 

 

- Чемпиондар Лигасы аясында «Динамоға» қарсы кездесу өткізесіз. Ойыншылардың көңіл-күйі қандай кездесу қарсаңында? 

 

- Құдайға шүкір бәрі жақсы. Ең бастысы - өткен ойындарды тезірек ұмыту. Жағдай оңалып кетеді дегенге сенемін. 

 

- Пиззели мен Неко келесі ойынға қатыса ма?

 

- Иә, алаңға шығу керек. Бірақ, нақты айта алмаймын.