Кот-д’Ивуар бас бапкерін электрондық пошта арқылы іздеуде
Кот-д’Ивуар футбол федерациясының басшылығы ұлттық команданың бапкерлік қызметіне кандидаттарды қабылдайтынын жариялады.
Ұсыныстар14 шілдеге дейін [email protected] электронды пошта арқылы қабылданады. Бас бапкер лицензия талаптарына сай болу қажет, халықаралық тәржірибесі болуы, Кот-д’Ивуарда тұрып, француз тілін жетік меңгеруі керек.
Ұлттық құраманың тізгінін ұстаймын деушілер жігерлендірерлік хат жіберуі тиіс, оны атқарушы комитет тексереді. Финалдық отырыста бес кандидатур қаралады.
Кот-д’Ивуар құрамасының бас бапкерлік қызметі Сабри Лямушидің орнынан кеткенінен кейін бос қалды. Оның басшылығымен ивуарлар әлем чемпионатында 3 қана ұпай жинап, топтан шыға алмады.