Вадим Боровский «Достық» сапында жаттығып жүр
![Вадим Боровский «Достық» сапында жаттығып жүр](https://prosports.kz/upload/news/content/file_1404484971_618902944.jpg?v=28695811)
«Шахтер» футбол клубының бұрынғы ойыншысы Вадим Боровский «PROСПОРТ Казахстан» тілшісіне берген сұхбатында алматылық «Достық» сапында жаттығып жүргенін айтты.
Алматылық «Достық» футбол клубының сапында екінші лигада ойнап жүрмін, - деп бастады Вадим. – кәзірде командамен бірге аймақтық біріншілікке дайындалудамыз.
- ҚПЛ-ның командаларынан ұсыныстар келген жоқ па?
- Қазіргі таңда бірнеше командалармен келіссөз жүргізіп жатырмыз.
- Демек, мансабыңызды Қазақстан премьер-лигасындағы командалардың бірінде жалғастырасыз?
- Көрерміз қалай болатынын. Нақты айта алмаймын. Әйтсе де, премьер-лигада ойнағым келеді. Өзімнің соңғы сөзімді әлі айтқан жоқпын.
- Кешегі Еуропа лигасындағы қазақстандық командалардың көрсеткен нәтижесі сізді таң қалдырды ма?
- Жоқ. Бұндай нәтижеге жеткенімізге қуаныштымын. Бұл қазақстан футболының дұрыс бағытта келе жатқанын анғартады. Барлық үш командамыз жеңіске жетті, бұл бұның алдында болмаған оқиға.
- Сіздің пікіріңізше, үшеуіде топтық кезеңге өте алады ма?
- Әрине. Былтырғы маусымда «Шахтер» мұны дәлелдеді.