19 ұжым ШҚО облысы әкімінің жүлдесі үшін бәсекеге түсті
Кеше Шығыс Қазақстан облысы әкімінің жүлдесі үшін дода өз мәресіне жетті. Даңқты Балуан Шолақ атындағы XVIII жарыс 22 спорт түрінен өтті.
Ойындар тура бір аптаға созылды. Алғашқы күні ұлттық ойын көкпар, содан соң волейболдан Зырян, Тарбағатай, Ұлан, Глубоковск, Көкпекті, Зайсан, Бесқарай мен Өскемен ерлер құрамалары жарысты.
Футболдан Семей-Ұлан командасы Өскемен-Аягөз құрамасын жеңсе, Зайсан ұжымы Үржарды тізе бүктірді.
Спорт және мәдениет басқармасы мәлімдегендей аталмыш додаға 1600 спортшы мен 19 команда қатысқан.