Луис Суарес қарсыласын тістеп алды

Луис Суарес Джорджио Кьеллини тістегені үшін ойыннан тыс қалуы мүмкін, деп хабарлайды sports.ru.

Әлем чемпионатының аясында өткен кездесуде Уругвай 1:0 есебімен Италияны қапы қалдырды. Матчтың 82-ші минутында Диего Годинның соққан голы ойын тағдырын шешті. Сол кездесуде Италия құрамасының футболшысы Кьеллиниді Суарес тістеп алған болатын. Мерсисайдтық «Ливерпуль» ойышысы осымен үшінші мәрте осындай орынсыз қылық көрсетті. Осыған дейін Суарес Отман Баккал мен Бранислав Ивановичті тістеген.