Андер Эррера «МЮ-ға» көшуі мүмкін

«Манчестер Юнайтед» бильбаолық «Атлетиктің» жартылай қорғаушысы Андер Эррераға көз тікті, деп хабарлайды испаниялық Marca газеті.

Бұрынырақ «қызыл сойқандар» футболшы үшін 32 миллион еуро ұсынған еді, енді дереккөздің айтқанына сүйенсек, 36 млн еуро беруге дайын. Ал Эррераның өзі қазір Англияда. Хавбек «МЮ-мен» төрт жылдық келісім-шартқа отырып, жылына 3 мле еуро жалақы алады деп күтілуде.

Алдыңғы маусымда «Атлетиктің» сапында 33 матчта алаңға шығып, 5 гол және 5 нәтижелі паспен көзге түсті.