Маскерано «Барселонамен» келісім-шартын ұзартты
«Барселонаның» жартылай қорғаушысы Хавьер Маскерано командамен келісім-шартын 2018 жылға дейін созды. Сонымен қатар, келісімде тағы бір маусымға созу туралы тармақ бар.
Каталондық клубтың ресми сайты келісім-шартқа қол қойылғанын, егер бұзылған жағдайда берілетін төлем 100 миллион еуроны құрайтынын хабарлады.
Айта кетерлік жайт, аргентиналықтың «блаугранаспен» алдыңғы келісімі 2016 жылға дейін жасалған болатын. Осы маусымда Маскерано «Барселона» сапында 37 ойында алаңға шықты.