Вердаско Парижден кетті

Энди Маррей «Ролан Гарростың» 1/8 финалында Фернандо Вердаскоға бір сетте бермеді.

Әлемнің сегізінші ракеткасы британиялық Энди Маррей Фернандо Фердаскоға мүмкіндік қалдырмай, ширекфиналға сенімді шықты. 2 сағат 56 минутқа созылған матч 6:4, 7:5, 7:6 есебімен Эндидің пайдасына шешілді. Өзара кездесуде де Маррей есеп айырмасын ұзартты - 10:2.

Келесі айналымда Энди Маррей француз Гаэл Монфилспен күш сынасады. Франциялық теннисші бұл кезеңде испаниялық Гильермо Гарсия-Лопесті тізерлетті.