Головкин - Гил кездесуі 26-шы шілде күні өтпек

Головкин мен Чавес-кіші арасындағы дау-жанжал аяқталып, біздің былғары қолғап шеберіне қарсы жаңа боксшы бағын сынап көрмек.

Ғаламтор беттерінде қазақстандық боксшы Геннадий Головкин мен аустралиялық Дэниэл Гил кездесуіне арналған фотосуреттер жарыққа шықты.

WBA тұжырымы бойынша үздік боксшы Головкин мен үміткер Гил арасындағы кездесу 26-шы шілде күні Нью-Йорк қаласындағы 20 мыңдық көрермен сиятын Madison Square Garden спорт кешенінде өтеді. HBO телеарнасы тікелей эфирден көрсетеді.

«ВКонтакте» әлеуметтік желісіндегі Головкиннің ресми тобының хабарлауынша,  WBA  жуық арада бұл кездесуге рұқсатын беру керек.