Роналдиньо Әлем чемпионаты кезінде үйін жалға бермек
«Атлетико Минейро» клубының ойыншысы Роналдиньо Рио-де-Жанейро қаласындағы үйін Әлем чемпионаты кезінде жалға беретіні жөнінде Facebook желісіндегі ресми парақшасында мәлімдеді.
34 жастағы футболшы өз елінде өтетін Әлем чемпионатынан табыс табуды жөн деп шешкен. Алайда ол ойыншы ретінде теңбіл доп додасына қатыса алмайды. Футболшының парақшасында үйдің суреттері де жарияланған. Роналдиньо үйін бір тәулікке жалға алу үшін 15 мың доллар төлеу қажет.