Алексей Фетисов «Сарыарқаның» тізгінін ұстады

Қарағандылық «Сарыарқаның» бас бапкері міндетіне Алексей Фетисов тағайындалды, деп хабарлайды клубтың ресми сайты.

Фетисов жақында владивостоктік «Адмиралдың» тізгінін ұстаған Душан Грегордың орнына келді. Қарағандыға келмес бұрын Алексей Фетисов Қазақстан чемпионатында өнер көрсететін «Сарыарқаның» форм-клубы «Бүркітті» жаттықтырды. Енді Ұлттық хоккей лигасының плей-офф сериясы алдында негізгі команданың бас бапкері атанды.