«Қарағанды» ВК – жасөспірімдер арасындағы халықаралық турнирдің жеңімпазы атанды

Ресейдің Омск қаласында жасөспірімдер арасында воллейболдан жарыс өтті. Аталмыш додаға Қазақстан атынан «Қарағанды» волейбол клубы қатысты.

Біздің қыздар алты матчтың бесуінде -3:0 есебімен жеңіске жетіп, жарыстың жеңімпазы атанды. Екінші орында – «Геолог» (Тюмень), үшінші - «Уралочка» (Екатеринбург). Команданың либеросы Лаура Нұрсағатова, шабуылшылар Кристина Кригер мен Ольги Хаджиогло үздік ойыншылардың қатарына енді. 

Айта кетер жайт, жас қыздарымыз Қарағандыдағы № 23-ші спорт мектебінде оқиды. Бапкерлері – білікті маман Геннадий Буслович.