«Барселонаның» жаңа бас бапкері Луис Энрике болады
«Барселона» футбол клубы ресми сайтында команданың тізгінін Луис Энрике ұстағанын хабарлады.
«Барселонаның» директорлер кеңесі клубтың спорт директоры Андони Субисареттаның бас бапкер міндетіне Луис Энрикені бекіту керек деген ұсынысын қабылдады», – деп хабарлайды каталондық клубтың ресми сайты. Аталмыш маманмен жақын арада екі жылдық келісім-шарт жасалады.
Бұл Луис Энрикенің «блаугранасқа» үшінші рет келуі: бірінші мәрте 1996 жылы ойыншы ретінде, екінші рет 2008 жылы «Барселоны B» командасының бапкері ретінде. Міне, енді оған негізгі команда сеніп тапсырылды.