«Барыс» қақпашы Полуэктовпен келісім-шартын ұзартты
Астаналық «Барыс» қақпашы Павел Полуэктовпен келісім-шартын ұзартты, деп хабарлайды елордалық клубтың ресми сайты.
Полуэктов «Барыста» әлі екі жыл ойнайтын болады. Осы маусымда 22 жастағы қақпашы Қазақстан біріншілігінде ойнайтын «Барыстың» фарм-клубы «Номад» сапында негізгі құрамда өнер көрсетіп жүр. 2013/14 маусымдағы Құрлықаралық хоккей лигасында Павел айдынға екі матчта шықты. Жалпы есепте 25 минут ойнап, соққылардың 80 %-ын кері қайтарды.