Айдар Махметов: «Қазылар «Баку Файерзті» финалға алып шықты»

«Астана» спорт клубының бас менеджері Айдар Махметов Baku Fires - Astana Arlans арасындағы кездесу туралы өз пікірін «Твиттер» арқылы білдірді.

Естеріңізге сала кетсек, кездесу әзірбайжандықтардың пайдасына шешілді. Алайда көбінің пікірінше ойын әділетсіз өтті.

«Қазылар «Баку Файерзті» WSB финалына алып шықты, демек ақтық сын Бакуде өтеді дей беріңіздер. Бұған дейін Киев пен Лондон бас тартқан болатын, бұның бар себебі осы», - деп жазды Махметов өзінің «Твиттердегі» ресми парақшасында.