Қазақстан құрамасы Венгрияға қарсы кездесуден кейін Израильмен ойнауы мүмкін

Футболдан Қазақстан құрамасы 7-ші маусым күні өтетін Венгрияға қарсы жолдастық кездесуден кейін Израиль құрамасымен ойнауы мүмкін.

Астанада өткен УЕФА конгрессінде Қазақстан футбол федерациясы мен Израиль футбол федерациясы жолдастық кездесу өткізу туралы ауызша келісімге келген.

Естеріңізге сала кетсек, былтырғы маусымда чехиялық маман Мирослав Беранек ұлттық құрамадан кеткен болатын. Оның орнына белгілі ресейлік бапкер Юрий Красножан тағайындалды.