УЕФА Кубогының билеті сатылымда

15 сәуірден бастап УЕФА Кубогы «Төрттік финалының» билеттері сатылымға шықты, деп хабарлайды УЕФА сайты.

Естеріңізге сала кетсек, турнирдің ақтық мәресі сәуірдің соңында Бакудағы «Серхедчи» спорт кешенінде өтеді. Дереккөздің хабарлауы бойынша, билеттің құны 2 манат (шамамен 1, 85 евро).

Жартылай финал: бейсенбі, 24 сәуір.

19:30: «Қайрат» (KAZ, чемпион) – «Динамо» (RUS);
22:00: «Араз» (AZE, алаң иесі) – «Барселона» (ESP).

Үшінші орын үшін матч сенбіде, 26 сәуірде өтеді. Кездесу уақыты - 20:00. Финалдық ойын сол күні Астана уақытымен 22:30-да болады.