Аргентина футбол федерациясы ұлттық құраманың бапкері ретінде Симеонені таңдады
Аргентина футбол федерациясының (AFA) басшылығы ел құрамасының жаңа бапкері ретінде мадридтік «Атлетиконың» тізгінін ұстаған Диего Симеонені көргісі келеді, деп хабарлайды испан басылымдары.
«Альбиселестенің» бүгінгі бапкері Алехандро Сабельяның 2014 жылғы әлем біріншілігінен кейінгі тағдыры белгісіз. Сабелья құрамадан кететін болса, оның орнына АFA президенті Хулио Грондона Симеонені таңдап отыр. Алайда, Диего Симеоне мадридтік клубта жұмыс жасай беретінін айтты.