Перес: «Кубокты жеңуіміз Чемпиондар лигасында да сәтті ойнауымызға себеп болады»

Мадридтік «Реалдың» президенті Флорентино Перестің пікірінше, Испания Кубогының финалында «Барселонаны» жеңуі команданың алдағы сәттіліктеріне себеп болады, деп хабарлайды испаниялық БАҚ.

«Маусымдағы бірінші кубоктық жеңісіміз психологиялық тұрғыда Чемпиондар лигасында да сәтті ойнауымызға себеп болады. Біздің мүмкіндігіміз мол және оны қолданамыз. Біраз рет абыржуымызға тура келді, өйткені ойын өте тартысты өтті. Ал жеңіс үлкен жігердің арқасында келді», — деді Перес.