Клюева ITF жарысында жеке және жұптық сайыста жеңімпаз атанды

Шымкентте өтіп жатқан халықаралық ITF жарысында қазақстандық теннисші Екатерина Клюева жеке және жұптық сайыста жеңімпаз атанды.

Алдымен жеке сайыс түрінде жартылай финалда словакиялық Катарина Стреснакованы ұтты – 6:3, 6:7 (4:7), 6:1.

Сосын, қазақстандық теннисші қыз жеке сайыста ақтық кезеңде ресейлік Анастасия Рудакова екі сетте тізе бүктірді  – 7:6 (7:1), 6:4.

Жұптық сайыстың финалында Клюева мен ресейлік Cофия Смагина жұбы ресейлік Анастасия Рудакова/Любовь Васильеваны екі партияда жеңді – 7:6 (7:3), 6:0.