Зарина Дияс Манчестер турнирінің финалында ұтылып қалды
Қазақстанның және әлемнің спорт жаңалықтарына жазылыңызҚазақстандық теннисші Зарина Дияс Манчестер ITF турнирінің финалында поляк қызы Магда Линетпен кездесті.
Осы турнирдің бірінші ракеткасы болып тіркелген М.Линетт әлемдік рейтингте 96-орында болса, З.Дияс 101-сатыда еді.
Бірінші партияда брейк жасаған қазақстандық спортшы алға шыққанымен, содан кейін Линетт сәтті ойнап, есепті 5:2-ге жеткізді. Дегенмен Зарина да қалыспай, таразы тасын теңестірді - 5:5. Ақыры бұл сеттің тағдыры тай-брейкте шешілді. Мұнда поляк спортшысы сәтті ойнай білді - 7:1.
Екінші сетте есеп 2:2 болған мезетте Зарина брейк жасай білді. Бұдан соң қарсыласына еш мүмкіндік берген жоқ - 6:2.
Үшінші, шешуші партияда Магда Линетт 6:3 есебімен жеңіске жетті.
Нағыз финалға тән тартысты бәсеке 2 сағат 18 минутқа созылды.
