Боксшыларымыз Польшада 5 медаль алды

Польшада Олимпиада чемпионы Зыгмунт Хыхлының құрметіне өткен халықаралық турнир аяқталды.

Әлемнің 12 елінен келген 97 боксшы өзара мықтыларын анықтады. Қазақстанның намысын бес спортшымыз қорғады.

Самат Жетібаев (52 кг) пен Нұрлан Сабыров (81 кг) алтыннан алқа тағынса, Нұрым Дилшат (64 кг), Мәулен Өскенбек (69 кг) және Дарын Имаханов (75 кг) күміс жүлдені қанжығалады.