Режиссер Денис Теннің сценарийі бойынша түсірілген фильм туралы айтты

Қазақстандық режиссер және продюсер Тимур Бекмамбетов отандық мәнерлеп сырғанаушы Денис Тенді еске алуға арналған фильмнің түсірілімі туралы әңгімелеп берді. Бұл туралы Tengrinews.kz-ке сілтеме жасаған Nur.kz хабарлады.

Бекмамбетов фильмнің түсірілімі аяқталғанын айтты. Қазіргі уақытта ол постпродакшн сатысында тұр.

Фильм түсірілімі Лос-Анжелесте өтті. Картинада көрермендер диджитал құрылғылары арқылы құрылатын жігіт пен қыздың қарым-қатынасын көреді.

«Біз онымен осы фильмді түсіруге келіскенбіз, өз уәдемізді орындап жатырмыз», - деп атап өтті продюсер.

Сондай-ақ, режиссер фильмнің Денис Теннің қатысуынсыз жарыққа шығатынына өкінішін білдірді.

Бекмамбетовтың айтуынша, оның командасы Денис Тен атындағы қормен және оның туыстарымен тығыз байланыста.

Режиссер фильм осы жылы экранға шығады деп үміттенеді.