Сұлтанова велотректен Гран-При жарысында күміс медаль алды

Қазақстандық Рината Сұлтанова велотректен Санкт-Петербургте өткен Гран-приде екінші орын алды, деп хабарлайды Рrosports.kz сайты.

Спортшы омниумде сәтті өнер көрсетті. Ол 112 ұпаймен екінші орынға табан тіреді. Ал жеңімпаз болған ресейлік Марина Новолодская 121 ұпай еншіледі.

Үздік үштікті ресейлік тағы бір спортшы Анастасия Чулкова алды. Оның еншісінде 106 ұпай бар.