Теннисшілеріміз «Ролан Гарроста» қанша табыс түсірді?
Қазақстанның және әлемнің спорт жаңалықтарына жазылыңыз«Ролан Гаррос» турнирінде бірде-бір теннисшіміз қалмады. Ширек финалдық кезеңге қазақстандық теннисшілердің ешқайсысы шыға алмаған.
Осы орайда бір-екі кездесу өткізген теннисшілеріміз тапқан пайдасын есептеп көрдік.
Галина Воскобоева – 7 750 еуро
Жұптық және микс сынында бақ сынаған Галин Воскобоева бірінші кезеңінен ары аса алмады.
Елена Рыбакина – 46 000 еуро
Мұндай әлемдік деңгейдегі турнирге алғашқ қатысқан Елена Рыбакина жеке сында алғашқы кездесуінде-ақ жеңіліс тапты. Жас теннисші чехиялық Катержин Синяковаға есе жіберген болатын.
Юлия Путинцева – 51 750 еуро
Қазақстанның бірінші ракеткасы жеке сындағы алғашқы матчында швециялық Ребекка Петерсоннан айласын асыра алмады. Ал жұптық сында румыниялық Андреа Митумен бірге Дарья Касаткина – Анетт Контавейт жұбына есе жіберді.
Зарина Дияс – 87 000 еуро
Қыздар арасында ең үздік нәтижені Зарина Дияс көрсетті. Екінші кезеңге өткен ол Вероника Кудерметовадан ұтылды.
Михаил Кукушкин – 76 000 еуро
Жеке сында словак Мартин Клижанға алғашқы кездесуінде есе жіберген Михаил Кукушкин 76 мың еуро пайда тапты. Оның Йоран Флигенмен жұбы ширек финалға дейін шықты.
Александр Бублик – 87 000 еуро
Александр Бублик те өзге теннисшілеріміз тәрізді екінші кезеңнен ары аса алған жоқ.