«Арсенал» жанкүйерлері дау шығарды
Қазақстанның және әлемнің спорт жаңалықтарына жазылыңыз«Зеңбірекшілердің» жанкүйерлері Әзербайжанға баруға қарсы.
talkSPORT порталының мәліметінше, «Арсенал» футбол клубының жанкүйерлері Еуропа лигасының финалын Әзербайжан астанасы Баку қаласынан Лондонға ауыстыруды Уефадан талап етіп отыр. Бұған себеп болған Генрих Мхитарян төңірегіндегі жағдай. Армян футболшысы әзербайжан жеріндегі өзінің қауіпсіздігіне алаңдап, финалдық ойынға қатысудан бас тартқан еді. Бір қызығы, матчтың Англия астанасына ауысуына «Челси» жанкүйерлері де қарсы емес көрінеді.
Еске сала, кетейік «Арсенал» мен «Челси» арасындағы Еуропа лигасының финалы 29 мамыр күні Баку қаласында өтеді.
