«Ертіс» футбол клубына жаңа басшы тағайындалды

Бүгін «Ертіс» футбол клубының баспасөз орталығында кездесу өтті, онда Павлодар облысы әкімінің орынбасары Жазылбек Ұлан Еркінұлы командаға клубтың жаңа директорын таныстырды, деп жазады Prosports.kz.

«Ертіс» футбол клубының директоры қызметін енді Омарханов Серік Қорғанбайұлы атқарады.

Ал клубтың бұрынғы басшысы Торсықпаев Ардақ Қайырлыұлы жаңа жұмысқа ауысуына байланысты лауазымнан босатылды.

Сонымен қатар, Ұлан Еркінұлы Павлодар облысы футбол федерациясының жаңа президентін де таныстырды. Бұл лауазымға 2008-2009, 2014, 2018 жылдары клубты жаттықтырған Садуов Ойрат Батаевич тағайындалды.