Әлемнің ең қымбат футболшысы командасын ауыстырады
Қазақстанның және әлемнің спорт жаңалықтарына жазылыңыз«Пари Сен-Жермен» клубының шабуылшысы Килиан Мбаппе Франция футболшылар кәсіподағының (UNPF) марапаттау салтанатында командасын ауыстыруы мүмкін екенін мәлімдеді.
20 жасар футболшы Франция чемпионатының үздік ойыншысы және үздік жас футболшы номинацияларында жеңіске жетті.
- Әрине, маусым барысындағы кейбір нәтижелерге көңіліміз толмайды. Бірақ бұл футболдыңі бір бөлігі.
Бұл жерде өзіме көп жаңалық аштым. Өзіме көп жауапкершілік алатын уақыт келгенін сеземін. ПСЖ-да не басқа командада білмеймін, - деп келтіреді Мбаппенің сөзін Goal.com сайты.
Айта кетейік, бұған дейін Килиан Мбаппеге мадридтік «Реал» қызығушылық танытқан болатын. Қазіргі таңда француз футболшысы әлемнің ең қымбат футболшысы. Оның нарықтағы құны - 215 миллион еуроны құрайды.