Данияр Елеусіновтің жекпе-жегін «Хабар» арнасы көрсетеді
Қазақстанның және әлемнің спорт жаңалықтарына жазылыңызҚазақстандық боксшы Данияр Елеусіновтің (6-0, 3 КО) жекпе-жегін қай телеарна көрсететіні белгілі болды, деп хабарлайды Prosports.kz сайты.
Олимпиада чемпионы 25 мамыр күні Усик - Такама жекпе-жегінің андеркартында шаршы алаңға шығады. Данияр Елеусіновтің жекпе-жегін «Хабар» телеарнасы тікелей эфирден көрсетеді.
27-жастағы мексикалық Мигель Самудио (43-12-1, 27 КО) Данияр Елеусіновпен жұдырықтасады деген ақпарат бар. Алайда әзірге отандысымызды қарсыласы кім болатыны ресми жарияланған жоқ.
Айта кетейік, бұған дейін Данияр Елеусінов 8 маусымда АҚШ-тың Нью-Йорк қаласында орта салмақтағы бұрынғы әлем чемпионы Геннадий Головкиннің (38-1-1, 34 КО) андеркартында шаршы алаңға шығу қажет болатын. Алайда артынша қос тарап келісе алмаған.