Қайрат Сарымсақов қола жүлдегер атанды

Ұлыбританияның Манчестер қаласында таеквондодан өтіп жатқан әлем чемпионатында қазақстандық Қайрат Сарымсақов қола жүлдегер атанды, деп хабарлайды Prosports.kz сайты.

Алдымен Қайрат косоволық спортшыны 14:5 есебімен ұтса, кейін жапониялық қарсыласын 5:3 есебімен жеңді. Үшінші кездесуінде португалиялықты 10:7 есебімен тізе бүктірді.

Ширек финалда Сарымсақов аустралиялық таеквондошыдан 12:7 есебімен ұтып, жартылай финалға өтті.

1/2 финалда қазақстандық спортшы иорданиялық, Рио Олимпиадасының чемпионы Ахмад Абугауштан 3:7 есебімен ұтылып қалды.

Осылайша Қайрат Сарымсақов Қазақстан құрамасының қоржынына алғашқы жүлдені салды.