IBF Сауль Альвареске ультиматум қойды

Халықаралық бокс федерациясы (IBF) өзінің чемпионы Сауль Альвареске ультиматум қойды, деп хабарлайды Prosports.kzсайты.

Федерация «Канелоны» украиналық Сергей Деревянченкомен жұдырықтасуға міндеттеді. Бұл талап Альварес пен Геннадий Головкин биыл қыркүйекте жұдырықтасады деген ықтимал реваншқа кедергі келтіреді.

«Канело» Головкинмен қыркүйекте жұдырықтасады деп күтілуде. Егер бұл жоспар орындалса, Альварес IBF белбеуінен айырылуы ықтимал. Не болмаса, ол Деревянченкомен жұдырықтасуы керек», - деп жазды The Ring инсайдері Майк Коппинджер.

Коппинджердің мәлімдеуінше, Альварес енді IBF титулынан бас тартуы мүмкін. Себебі оған Головкинге қарсы үшінші жекпе-жек маңыздырақ.