«GGG «Канеломен» тағы бір айқас өткізбей бокстан кетпейді»
Қазақстанның және әлемнің спорт жаңалықтарына жазылыңызGolden Boy промоутерлік компаниясының президенті Эрик Гомес Сауль «Канело» Альварес пен Геннадий Головкиннің үшінші айқасының өтетініне кәміл сенімді, деп хабарлайды Prosports.kz сайты.
«Орта салмақ - Сауль үшін өте жақсы салмақ деп ойлаймын. Головкинге келер болсақ, бұл айқас өтуі тиіс. Олардың алғашқы екі жекпе-жегі керемет деңгейде өтті. «Канелоның» онымен қайта шаршы алаңға шығуына ешқандай кедергі жоқ.
Екеуінің де трилогияны өткізуге деген ниеті бар. Головкин - тарихты ойлайтын боксшы. Ол «Канеломен» тағы бір айқас өткізбей бокстан кетпейді. Бұл Головкинді ұлы чемпион атағына жеткізді - ол тек үздіктермен жұдырықтасқысы келеді», - дейді Гомес.