Камбэктер лигасы. «Тоттенхэм» де ерлік жасады
Қазақстанның және әлемнің спорт жаңалықтарына жазылыңызУЕФА Чемпиондар лигасының жартылай финалындағы екінші матч та камбэкпен аяқталды, деп хабарлайды Prosports.kz сайты.
Сейсенбі күні «Ливерпуль» өз алаңында «Барселонаны» 4:0 есебімен ұтып, финалға өткен болатын. Англиялық команда алғашқы ойында 0:3 есебімен жеңіліп қалған еді.
Ал жартылай финалдың екінші матчында голландиялық «Аякс» пен англиялық «Тоттенхэм» кездесті. Бұл ойында да ағылшын командасы камбэк жасады.
Лондондағы бірінші матчта голландиялықтар 1:0 есебімен ұтқан болатын. Ал Амстердамдағы қарымта кездесуде алаң иелері үзіліске дейін екі гол соғып тастады. Маттейс де Лигт пен Хаким Зиеш көзге түскен.
Екінші таймда Лукас Моура 55 және 59-минуттарда гол соғып, есепті теңестіріп тастады. Ал кездесудің ең соңғы секундтарында Мауро алыс бұрышты дәл көздеп, «Тоттенхэмге» жеңіс сыйлады. Екі матчтың қорытындысы бойынша есеп 3:3 болғанымен, лондондық команда сырт алаңда соққан голының арқасында финалға шықты.
Енді Чемпиондар лигасының шешуші матчы 1 маусымда Мадридтегі «Ванда Метрополитано» өтеді. Финалда «Ливерпуль» мен «Тоттенхэм» күш сынасады.
Айта кетейік, осы маусымда Чемпиондар лигасының плэй-офф кезеңіндегі алты матчта камбэк болды.
«Аякс» (Амстердам, Нидерланды) – «Тоттенхэм» (Лондон, Англия) 2:3 (2:0)
Голдар: де Лигт 5 (1:0), Зиеш 35 (2:0), Лукас Моура 55 (2:1), Лукас Моура 59 (2:2), Лукас Моура 90+6 (2:3)