Ерлан Серікжанов әлемдік рейтингте үш сатыға жоғарылады

Халықаралық дзюдо федерациясының жаңартылған рейтингінде Ерлан Серікжанов үш сатыға жоғарылады. Ол Фуджейрада өткен Азия біріншілігіндегі жетістігінен соң алғашқы алтылыққа енген.

Ерлан Серікжанов 66 келідегі спортшылар арасында 6-шы орында тұр. Бұған дейін түзілген рейтингте ол 9-шы орынға тұрақтаған болатын.

Сондай-ақ, құрлық додасының күмісін иеленген Елдос Жұмақанов екі сатыға жоғарылап, 11-ші орынға көтерілді.

90 келіде Азия чемпионатының қола жүлдегері атанған Ислам Бозбаев 12-ден 11-ші орынға жоғарылады.

Еске сала кетейік, отандық дзюдошылар арасында Елдос Сметовтің шоқтығы биік. Ол әлемдік рейтингте тұрақты түрде алғашқы бестікке еніп жүр.