Токиода синхронды жүзуден Әлем кубогы кезеңі басталады
27-28 сәуір күндері Жапонияның Токио қаласында синхронды жүзуден әлем кубогы кезеңі өтеді. Қазақстандық спортшылар екі бағдарлама бойынша сынға түседі.
Токиодағы турнирге әлем үздіктері түгел жиналмақшы. Бас бапкер Әлия Каримованың айтуынша, бұл әлем чемпионаты қарсаңындағы маңызды жарыстардың бірі.
Жапониядағы әлем кубогы кезеңінде қазақстандық спортшылар дуэт және аралас дуэт бойынша өнер көрсетеді.
Техникалық дуэттен Александра Немич пен Екатерина Немич бақ сынаса, аралас техникалық дуэтте Әйгерім Исаева мен Олжас Маханбетияровтің аяқ алысын бақылаймыз.
