Ұлан Қонысбаев төрешілерді сынады
Қазақстанның және әлемнің спорт жаңалықтарына жазылыңызЕл біріншілігінің 5-тур ойындары аяқталысымен «Оқжетпестің» ойыншысы Ұлан Қонысбаев төрешілердің жұмысын сынады.
Кезекті турда «Оқжетпес» өз алаңында «Тобылды» қабылдаған. Есеп - 2:1, қостанайлықтардың пайдасына. Ұлан Қонысбаев Instagram парақшасына 56 минутта Максим Фединнің гол соққан сәтінің видеосын жүктеп, өз пікірін білдірген:
«Міне, біздің Қазақстанда осылай төрелік етеді! Мұндай төрешілерді футболдан өмір бақи шеттету қажет. Бұлай отандық футбол ешқашан дамымайды», - деп жазыпты.
Ал Болгария чемпионатында доп теуіп жүрген Еркебұлан Сейдахмет «Келесі матчта қызыл қағаз алып тұрсың ғой» - деп қалжыңдап, пікір қалдырған.