Садақ атудан Азия кубогы: Бірінші жарыс күнінің қорытындысы
Қазақстанның және әлемнің спорт жаңалықтарына жазылыңызТайландтың Бангкок қаласында садақ атудан Азия кубогының бірінші жарыс күні аяқталды. Аталған бәсекеде қазақстандық мергендер де бақ сынауда.
Классикалық садақ атудан ерлер арасындағы ең үлкен нәтижені Ильфат Абдуллин тіркеді. Ол 660 ұпаймен 14-ші орында. Санжар Мұсаев 15-ші, Сұлтан Дүзелбаев 27-ші, Денис Ганькин 36-шы сатыда.
Қыздар арасында классикалық әдіспен садақ атудан Қаракөз Асқарова 628 ұпай жинап, 11-ші орын иеленді. Алина Ілиясова 21-ші, Фарида Түкебаева 24-ші, Гаухар Игібаева 51-ші орында.
Азия кубогі 31 наурызға дейін жалғасады.
