Черчесов: Билекпен жасыл алаңда жолыққанбыз

Футболдан Ресей құрамасының бас бапкері Станислав Черчесовв Қазақстанмен 24 наурыз күні болатын ойын жайлы тағы да пікірін білдірді.

«Алда бізді екі ойын күтіп тұр. Қазақстан құрамасын біз Түркияда көрдік. Олар Молдаия құрамасымен ойнап, 1:0 есебімен жеңді. Сол жерде олардың жаңа бапкерімен сөйлестік. Чех азаматы Михал Билек кезінде „Спарта“ командасында ойнаған, біз тіпті алаңда кезінде жолыққанбыз. Қазақстанның бүған дейінгі командасын жақсы білгенбіз, қазір олар жұмбақтау. Біздің бар ойымыз алдағы Бельгия мен Қазақстанмен болатын кездесулер. Тыңғылықты дайындалып жатырмыз», — деді Черчесов.