Көрермендердің жиналуы бойынша «Барыс» Еуропаның үздік 30 командасының қатарына енді
Қазақстанның және әлемнің спорт жаңалықтарына жазылыңызХалықаралық хоккей федерациясы Еуропа клубтары ареналарының жыл сайынғы келім рейтингісін жариялады, деп хабарлайды Prosports.kz сайты.
Қазақстандық «Барыс» жаңартылған тізімде 33-ші орыннан 29-шы орынға көтерілді. «Барыс Аренаға» орташа есеппен – 1 матчта 6448 көрермен келеді екен.
Рейтингте «Барыстан» жоғары ҚХЛ-дың 11 клубы орналасқан. Атап айтқанда: СКА, ЦСКА, «Спартак», «Динамо Мн», «Динамо Рига», «Слован», «Йокерит», «Металлург», «Локомотив», «Ак Барс» және «Трактор».
Швейцариялық «Бёрн» рейтингте 18-ші жыл қатарынан көш бастап келеді. Швейцариялық клубтың ойындарына орташа есеппен 16 290 адам келеді.