Боб Арум: «Головкин Ломаченконың көлеңкесінде қалады»
Top Rank атты шетелде танымал промоутерлік компаниясының басшысы Боб Арум 26 жастағы украиндық спортшы Василий Ломаченко танымалдық жөнінен Головкиннен асып түсетінін айтты.
Естеріңізге сала кетсек, украиндық боксшы 1-ші наурыз күні кәсіби рингтегі екінші жекпе-жегін WBO тұжырымы бойынша жартылай ауыр салмақтағы чемпион, 33 жастағы мексикандық Орландо Салидоға қарсы өткізеді.
«Ломаченко қазірдің өзінде әлемдегі бес үздік боксшының қатарында, — деп бастады Арума. — Ол өте мықты, кәсіби рингке тамаша дайындықпен келді. Болашақта үлкен жұлдыз атанады деп кәміл сенемін. Головкин мен Проводников қазір өз салмақтарында үздік саналады, бірақ та кейін олар Ломаченконың көлеңкесінде қалады».