Қазақстандық киберспортшының командасы Katowice Major турнирінен шығып қалды

Қазақстандық киберспортшы Дәурен AdreN Қыстаубаев өнер көрсететін FaZe Clan командасы Katowice Major турнирінен шығып қалды, деп хабарлайды Prosports.kz сайты.

FaZe Clan Katowice Major турнирінің плей-офф кезеңінде украиналық NaVi ұжымымен күш сынасып, 2:0 есебімен жеңіліс тапты. Осылайша, Дәурен AdreN Қыстаубаевтың командасы жарыс жолын аяқтады.

Айта кету керек, аталмыш жарысқа қазақстандық AVANGAR ұжым қатысқан болатын. Негізгі кезеңде өткізген төрт ойынның тек екеуінде жеңіске жеткен AVANGAR плей-офф жолдамасынан қағылды.