Шаңғымен тұғырдан секіруден ӘЧ-де Сергей Ткаченко финалға шыға алмады

Австрияның Зеефель қаласында шаңғы спорт түрлерінен әлем чемпионаты жалғасуда. Бүгін шаңғымен тұғырдан секірушер жарыстың негізгі айналымын аяқтады, деп хабарлайды Prosports.kz сайты ҰОК баспасөз қызметіне сілтеме жасап.

Қазақстандық Сергей Ткаченко іріктеу сынынан соң алғашқы елу спортшының қатарына енген болатын. Ол бүгін өз көрсеткішін жақсартып, 99.2 ұпаймен 36-шы орын иеленді. Алайда финалға тек отыз спортшы өтеді.

Негізгі раунд қорытындысы бойынша швейцариялық Киллиан Пайер (137.9 ұпай) алда келеді. Екінші орынша неміс спортшысы Маркус Эйзенбихлер (136.7 ұпай). Үшінші сатыда жапондық Рею Кобаяси (135.3 ұпай).