«Ақжайық» украиналық ойыншымен келісімшартын ұзартты

Украиналық Сергей Басов «Ақжайықпен» ресми түрде келісім-шарт мерзімін ұзартты, деп хабарлайды Prosports.kz.

Футболшы мансабын Украина чемпионатында өткізген Сергей әр жылдары Запорожьенің «Торпедо», «Динамо», «Металлург» командаларында ойнады.

Сондай-ақ донецкілік «Титан», Кировоградтың «Звезда», черовцылық «Буковина» және Александрия қаласының «Александрия» клубтарында өнер көрсетті.

Украиналық ойыншы «Ақжайыққа» өткен жылдың қаңтарында қосылған болатын.