«Астанаға» Румыния құрамасының ойыншысы ауысты
Қазақстанның және әлемнің спорт жаңалықтарына жазылыңызҚазақстан чемпиондары сапын 23 жастағы румыниялық жартылай қорғаушы Дорин Ротариу толтырды, деп хабарлайды Prosports.kz.
Transfermarkt ақпаратына сүйенсек, қапталда ойнайтын футболшымен еңбек келісімі 4 жылға жасалған. Ротариу «Астанаға» ауыспас бұрын бельгиялық «Брюгге» ойыншысы болды. Алайда соңғы жылдарын жалда өткізді – алдымен бельгиялық «Мускронеде», кейін голландиялық «Аз Алкмарда».
Голландиялық команда сапында Ротариу Еуропа лигасында алматылық «Қайратқа» қарсы қарымта матчқа шыққан болатын.
Айта кетейік, Дорин Ротариу Румыния құрамасында 5 матч өткізіп, 1 гол соқты.