Юлия Галышева «Құрмет» орденімен марапатталды

Әлем чемпионатында топ жарған могулшы Юлия Галышеваға «Құрмет» ордені табысталды, деп жазады Prosports.kz сайты.

Отандасымыз тарихи жеңісіне АҚШ-тың Парк Сити қаласында қол жеткізді. Юлия бірінші финалда аздаған қателіктер жіберіп, төртінші орынмен суперфиналға (74.48) жолдама алды. Ал ақтық сында қазақстандықтың өнерін төрешілер 79.14 ұпаймен бағалады. Сөйіп, ол Олимпиада чемпионы француз қызы Перрин Лафон (78.70) мен аустралиялық жас шебер Джакар Энтониді (78.99) басып озды.