«Азия балалары» турнирінде қазақстандық хоккейшілер ірі есеппен жеңіске жетті

Сахалинде (Ресей) өткен «Азия балалары» халықаралық қысқы спорттық ойындарда қазақстандық жас хоккейшілер екі қарсыласын ірі есеппен ұтты, деп хабарлайды Prosports.kz.

Қазақстан құрамасы (U-15) Түркіменстан және Якутия хоккейшілерін жеке-жеке 34:0 және 18:1 есебімен жеңді.

Жас хоккейшілеріміз өз тобында екінші орын алып, Орал федералдық округінің құрамасымен бірге жартылай финалға шықты.

Енді келесі кездесуін 15 ақпан күні Сібір федералды округінің құрамасына қарсы өткізеді.