Қазақстанда туған неміс боксшысы абсолютті чемпион атағы үшін жұдырықтасады
Қазақстанда дүниеге келген неміс боксшысы Кристина Хаммер абсолютті чемпион атағы үшін шаршы алаңға шығады, деп хабарлайды Prosports.kz.
Неміс боксшысы Хаммер 13 сәуір күні Атлантик-Сити кешенінде АҚШ-тың спортшысы Кларесса Шилдсқа қарсы жекпе-жекке шығады.
Кездесуде боксшы қыздар чемпиондық белбеулерін сарапқа салмақ. Осы жекпе-жектің жеңімпазы әлемнің абсолютті чемпионы аттанады.
Еске сала кетсек, 9 ақпан күні Кристина Хаммер грузиялық қарсыласын техникалық нокаутпен жеңіп, чемпиондық атағын қорғап қалған болатын.
Кристина Хаммер 1990 жылы 16 тамызда Қарағанды облысы Новодолинка ауылында өмірге келген. Ол бала кезінде ата-анасымен Германияға көшіп кеткен.
