Сочи - 2014. Бүгін Денис Тен жарыс жолына шығады
![Сочи - 2014. Бүгін Денис Тен жарыс жолына шығады](https://prosports.kz/upload/news/content/file_1392277053_119161476.jpg?v=28702363)
Бүгін Сочи Олимпиадасында қазақстандық спортшылар жарыстың бес түрінен сайысқа түседі.
Алдымен, қазақстандық щаңғышылар сайысқа түседі: Елена Коломина, Татьяна Осипова және Анастасия Слонова. Он шақырым қашықтыққа созылған бәсекеде біздің спортшылар аутсайдерлердің қатарында. Дегенмен, жерлестеріміз үздік отыздыққа іліну үшін бар күштерін жұмсамақ. Бәсекені Хабар телеарнасы сағат 16:00-де тікелей эфирден көрсетеді.
Артынша шорт-тректен бес мертлік сайыс басталады. Мұнда отандастырымыз финалға шығып жатса, соның өзі біз үшін жетістік болмақ.
Сағат 20:00-де Биатлоннан ерлер арасындағы 20 шақырымға жекелей сайыс өтеді. Қазақстан атынан - Сергей Наумик, Антон Пантов, Ян Савитский және Александр Трифонов жарыс жолына шығады.
Сондай-ақ «Адлер-Аренада» конькимен жүгіруден әйелдер арасындағы 1000 метрлік сайысқа жалғыз қазақстандық Екатерина Айдова қатысады.
Ал кешке жақын, мәңерлеп сырғанау сайысына екі өкіліміз - Денис Тен мен Абзал Рақымғалиев мұз айдынына шығады. Бәсекені 21:00-де Хабар телеарнасы тікелей эфирден таратады.