Головкин – Альварес жекпе-жектерінің «айқын» жеңімпазы аталды

Батыстық Gambling.com порталы өз мақаласында қазақстандық Геннадий Головкиннің мексикалық Сауль "Канело" Альвареспен екі жекпе-жегі туралы ойын білдірді.

- Альварестің Головкинге қарағанда жеңімпаз болуға көп мүмкіндігі бар. Ол мұны екі рет дәлелдеді. Алғашқы жекпе-жектің нәтижесі жанкүйерлер мен БАҚ-тың наразылығын туғызып, соңы дауға ұласқан еді, дегенмен Альварес шын мәнінде Головкинді жойқын, басқа жасалған қарсы соққыларымен арбап тастады. Бұл тең нәтижеге жақын жекпе-жек болуы мүмкін, бірақ тонау емес екені анық. Альварес Головкиннің командасының қашып жүрді деген сөзінен шаршаса керек, екінші жекпе-жекте рингтің ортасында қасқайып тұрып, ашық айқасқа түсті. Нәтиже өте жақын болды, алайда Альварес айқын жеңіске жетті, — деп жазылған мақалада.

Естеріңізге сала кетейік, GGG мен "Канелоның" алғашқы жекпе-жегі 2017 жылдың қыркүйегінде өтіп, тең аяқталды. Бір жылдан кейін қарсыластар қайта жолығып, бұл жолы төрешілер жеңісті Альвареске берді. Екі кездесу де Лас-Вегастағы T-Mobile Arena-да өтті.